Re: Esperantaj literoj en KDE, ktp
Plu pri tiparoj:
* Mi esploris komputilon kun Red Hat ĉe mia laborejo: ŝajne ĝi uzas
Sans kaj Monospace anstataŭ Bitstream Vera, kaj ĝi sukcesas montri
Esperantajn literojn en la titolo de Mozilo-fenestro.
* Instali la mikrosoftajn tiparojn estas tre facile; oni povas eĉ fari
per la grafika fasado, kaj oni povas instali ilin por unu uzanto sen
la radika pasvorto. Jen io, kio efektive funkcias.
* Ĉu iu scias, kiel oni uzu la tradician kaj bonegan tiparon
-misc-fixed-medium-r-semicondensed--13-120-75-75-c-60-iso10646-1
kun gnome-terminal? Mi serĉis per Guglo pri tiu demando kaj trovis
multajn plendojn pri tio kaj rakontojn de homoj, kiuj devis rezigni
pri gnome-terminal kaj uzi alian terminalon, ĉar ili ne sukcesis.
Tamen, aliaj homoj insistas, ke eblas uzi iun ajn tiparon kun
gnome-terminal, se oni ruze agordas. Kiel do?
Edmundo
Reply to: