O meu papel nesta rolda e ofrecemento
Ola. Son Alexandre Prieto, minhoca na rede.
Eu estou apuntado nesta rolda porque un bon dia chegoume unha petición
de axuda para que debian crease unha rolda pola localización á nosa lingua.
Evidentemente, respostei á petición. Dicir que eu non teño idea de
Debian, que levo toda a vida con windows e que tan so fai uns seis meses
comecei os primeiros pasos con Ubuntu (agora é o único que utilizo, inda
en proceso de aprendizaxe).
Eu pouco (ou mais ben nada), vou poder aportar a debian-galego, porque
nada controlo de debian, moi pouco de linux en xeral, e o meu inglés "eu
poder ler con diccionario na man".
O único que vos podo ofrecer é o espazo e as ferramentas da
ciberirmandade da fala (http://www.ciberirmandade.org). Temos instalado
o Entrans (unha ferramenta de tradución on-line), e calquera proxecto
que o precise, pode contal con el. Tamén temos uns foros phpBB, e non
habería problema algún en crear mais foros se fosen necesarios, visibeis
ou ocultos ou como sexa).
Ben. Como xa non é a primeira vez que hai xente que se amola coa
ciberirmandade, quero deixar claro que eu non pretendo nada, que
simplemente digo que eu non podo axudar polas miñas limitacións, que
estou nesta rolda de rebote (simplemente por axudar a que existise), e
que se precisades algunha axuda da ciberirmandade, que podedes contar
con ela, sempre, evidentemente, que sexa pola nosa lingua.
Bo ano.
--
---
Saúde.
......................................................................
Miñoca (Alexandre Prieto). Vigo-Galiza.
minhoca@ciberirmandade.org - alternativo: minhoca@wanadoo.es
Ciberirmandade da Fala - http://www.ciberirmandade.org
A defensa da lingua da Galiza, tamén na rede
......................................................................
Reply to: